ShareThisUpang magkaroon ng dagdag na pera, napag-desisyunan ng mga magulang ni gogoi na tumanggap ng bedspacer. Subalit dahil na din sa maliit ang kanilang bahay at dadalawa lang ang kwarto ay wala halos nagkakaroon ng interest sa kanilang alok. Isang bagay na lihim naman ikanatutuwa ni gogoi . Dahil sa pag tanggap ng bedspacer ay napag-desisyonan din na ang kwarto ni gogoi ang ibibigay sa sinumang kukuha. Subalit dahil bata ay walang nagawa si gogoi kundi tanggapin na lang at magngitngit sa tuwing makikita ang karatula sa labas ng bahay.
Isang araw pagka-uwi galing sa eskewela, may na datnan na isang binibining nakikipag usap sa kanya nanay.
“Pasensya ka na iha at ganito lang ang ang kwarto, malinis naman sya at hindi maiinit. Kung hindi lang talaga namin kailangan…..”
“Wala pong problema, Aleng Cenya. Di naman po ako pihikan at simple lang naman po ang kailangan ko. Importante po eh matutuluyan lang naman.”
